A vila de Noia será o escenario da primeira edición de FESTISAÚDE,  un festival pioneiro na comarca do Barbanza centrado na promoción da saúde, o benestar e a conexión coa natureza. O evento, organizado pola **Asociación Amoreira** e o **Concello de Noia**, desenvolverase entre os días **10 e 12 de maio** en distintos espazos do casco histórico da localidade, como o antigo Casino ou a igrexa de Santa María a Nova.

FESTISAÚDE nace coa intención de ofrecer unha visión ampla da saúde, combinando a perspectiva médica e psicolóxica con prácticas complementarias como a meditación, o yoga ou o mindfulness. O programa inclúe charlas con profesionais da saúde, obradoiros de benestar emocional, actividades familiares, concertos, así como **rutas guiadas pola natureza en colaboración con Galicia Senderismo.

Entre as participantes destacan a Dra. Caetana Varela-Hall, que abordará a relación entre saúde e alimentación consciente, e a psicóloga Ana Belén Vidal Ramos, presidenta da asociación AGALAS, que afondará na realidade das persoas altamente sensibles.

O domingo 11 celebrarase un **mercado de alimentación labrega local** nos xardíns de Felipe de Castro, sempre que o tempo o permita. O festival rematará o luns 12 de maio coa conmemoración do **Día Internacional da Meditación**, incluíndo un baño de son co Gong, instrumento terapéutico recoñecido polos seus beneficios sobre o sistema nervioso.

O acceso a todas as actividades é libre e está pensado para todos os públicos.

–